Chirchiqda regbi-7 bo’yicha ayollar orasida Universiada bo’ldi
2023-yilning 28-31 may kunlari Toshkent viloyati Chirchiq shahrida ayollar o’rtasida birinchi marotaba Universiada musobaqalari bo’lib o’tdi.
Ushbu musobaqalarda Qoraqalpog’iston Respublikasi, Toshkent shahri, Toshkent viloyati, Andijon, Farg’ona, Namangan, Samarqand, Surxandaryo, Jizzax, Buxoro, Xorazm, Navoiy viloyati jamoalari qatnashishdi.
Ulardan Qoraqalpog’iston Respublikasi, Toshkent viloyati, Xorazm va Namangan viloyati jamoalari oldindan saralanib, to’rtta («А», «В», «С» va «D») guruhlarga taqsimlandi. Qolgan jamoalar esa qur’a tashlash yo’li bilan kichik guruhlarga bo’lindi.
Universiada musobaqalari World Rugby tomonidan o’rnatilgan qoidalarga asosan o’tkazildi.
Musobaqalar davomida jamoalar aylana va aralash tizimlarida o’ynashdi va bu g’olibni aniqlashga katta yordam berdi. Universiadada Toshkent viloyatining ayollar jamoasi finalda Namangan jamoasini 38-0 hisobida yengib, g’alaba qozondi. 3-o’rinni esa Xorazm jamoasi Qoraqalpog’iston jamoasini 22-0 hisobida mag’lub qilib egalldi. O’rinlar guruhdagi barcha jamoalar bilan uchrashuvlarda to’plangan ochkolar yig’indisi bo’yicha taqsimlandi.
| O’rinlar | Jamoalar |
| 1 | Toshkent viloyati |
| 2 | Namangan viloyati |
| 3 | Xorazm viloyati |
| 4 | Qoraqalpog’iston Respublikasi |
| 5 | Navoiy viloyati |
| 6 | Andijon viloyati |
| 7 | Farg’ona viloyati |
| 8 | Surxandaryo viloyati |
| 9 | Buxoro viloyati |
| 10 | Jizzax viloyati |
| 11 | Samarqand viloyati |
| 12 | Toshkent shahri |