Regbi-7 bo‘yicha 18 yoshgacha bo’lgan o’smirlar va qizlar jamoalari o‘rtasida O‘zbekiston chempionati bo‘lib o‘tdi
2023-yilning 12-15 may kunlari Farg’ona viloyatida 18 yoshgacha bo’lgan o’smirlar va qizlar jamoalari o‘rtasida regbi-7 bo’yicha O’zbekiston chempionati o’tkazildi.
Ushbu chempionatda o’smirlar jamoalaridan: Toshkent, Farg’ona, Navoiy, Toshkent viloyati, Namangan va Jizzax jamoalari qatnashishdi.
Qiz bolalar jamoalaridan: Qoraqalpog’iston, Navoiy, Namangan, Farg’ona, Xorazm, Norin (Namangan viloyati), Toshkent jamoalari faol ishtirok etishdi.Toshkent qizlari jamoasi mandat komissiyasi qarori bilan chempionatda tanlovdan tashqari ishtirok etishga ruxsat oldi.
Jamoalar ikkita kichik guruhga (erkaklar va ayollar guruhlariga) bo’lingan va aylana tizimida (har biri bilan) o’ynashgan. Chempionat davomida jami 36 ta o‘yin o‘tkazildi.
Chempionat bo’yicha to’plangan ochkolar va o’rinlar quyidagicha taqsimlandi:
O’smirlar jamoalari o‘rtasida:
| O’rinlar | Jamoalar | Ochkolar |
| 1 | Toshkent | 20 |
| 2 | Farg’ona | 17 |
| 3 | Navoiy | 14 |
| 4 | Toshkent viloyati | 11 |
| 5 | Namangan | 8 |
| 6 | Jizzax | 5 |
Qizlar jamoalari o‘rtasida esa:
| O’rinlar | Jamoalar | Ochkolar |
| 1 | Qoraqalpog’iston | 24 |
| 2 | Navoiy | 19 |
| 3 | Namangan | 18 |
| 4 | Farg’ona | 16 |
| 5 | Xorazm | 10 |
| 6 | Norin (Namangan viloyati) | 6 |
| 7 | Toshkent | Tanlovdan tashqari o’ynashdi |