O‘zbekiston regbi-7 terma jamoasi Angrenda o‘quv-mashg‘ulot yig‘inini o‘tkazmoqda

O‘zbekiston regbi-7 terma jamoasi Angrenda o‘quv-mashg‘ulot yig‘inini o‘tkazmoqda

O‘zbekiston Respublikasi Sport vazirligining 2025-yil 30-apreldagi № 02/769-A/F-sonli buyrug‘iga asosan, O‘zbekiston regbi-7 terma jamoasi o‘quv-mashg‘ulot yig‘inini boshladi. Yig‘in 2025-yil 1-maydan 16-maygacha Toshkent viloyatining Angren shahridagi sport bazasida o‘tkazilmoqda.

Yig‘inning asosiy maqsadi — 2025-yil 16-maydan 19-maygacha bo‘lib o‘tadigan Markaziy Osiyo chempionatiga tayyorgarlik ko‘rishdir.

Yig‘in doirasida Yangi Zelandiyalik murabbiy Roki Xan O‘zbekiston terma jamoasi bilan tanishish va tajriba almashish maqsadida jamoaga tashrif buyurdi.

“Yig‘in a’lo darajada va samarali o‘tmoqda. Bizni professional faoliyatini yakunlagan, elita jamoasi ‘All Blacks’ning sobiq o‘yinchisi Rokki Xan maslahat bilan ta’minlamoqda. U bu yerda, yig‘in davomida, biz bilan regbi-7ning nozik jihatlarini bo‘lishmoqda. Bu butun jamoa uchun bebaho tajriba.

O‘zbekiston regbi federatsiyasi ko‘magida va murabbiylar shtabi sa’y-harakatlari bilan jamoamiz jadal rivojlanmoqda. Hozir biz may oyining o‘rtalarida Toshkentda bo‘lib o‘tadigan Markaziy Osiyo o‘yinlariga tayyorgarlik ko‘ryapmiz. Turnirda O‘zbekiston, Qozog‘iston, Qirg‘iziston, Gruziya va Ozarbayjon terma jamoalari ishtirok etadi.

Jamoa jismoniy va ruhiy holatda yaxshi formaga ega. Dukentdagi sharoitlar a’lo darajada: mazali uy ovqatlari, sifatli maydonlar, trenajyor zali — kerakli barcha narsa qo‘l ostimizda.” — O‘zbekiston erkaklar regbi-7 terma jamoasi sardori, Sokolov Ilya.