Buxoroda regbi-7 bo‘yicha viloyat chempionati bo‘lib o‘tdi
14-may kuni Buxoro shahar 10-sonli umumta’lim maktabining futbol maydonida 2010-2011, 2012-2013, 2014-2015 yillarda tug’ilgan bolalar o’rtasida regbi-7 turi bo‘yicha Buxoro viloyati ochiq chempionati bo‘lib o‘tdi. Jamoalar Buxoro shahridagi 6, 9, 10, 29, 36 va 39-sonli umumta’lim maktablari o‘quvchilaridan tuzilgan.
Jamoalar yosh bo‘yicha kichik guruhlarga bo’lingan va aylana tizimida (har biri bilan) o’ynashgan. Uchrashuvlarni Azizbek To’raev, Laziz Mavlonov va Sanjar Qurbonovlar boshqarib borishdi. Chempionat g‘olib va sovrindorlari Buxoro viloyati sport va yoshlar siyosati boshqarmasi tomonidan ajratilgan medal va faxriy yorliqlar bilan taqdirlandi.
Chempionatning faxriy mehmonlari regbi-7 bo‘yicha O‘zbekiston yoshlar terma jamoasi treneri Yegor Lebed, regbi bo’yicha O’zbekiston terma jamoasi murabbiyi va maslahatchisi Andre Human hamda Markaziy Osiyoda regbini rivojlantirish bo’yicha maslahatchi Anatoliy Shirovlar bo’lishdi.
Buxoro shahridagi umumta’lim maktablarida regbi bo‘yicha bolalar seksiyalari tashkil qilingan, 10-sonli maktabda murabbiylar Laziz Mavlonov va Azizbek To‘raev, 9-sonli maktabda esa murabbiy Azizbek To‘raev va Buxoro ixtisoslashtirilgan san’at maktab-internati murabbiyi Sanjar Qurbonovlar o’z faoliyatini ko‘rsatmoqdalar.
Chempionatdan ko’proq suratlar bu havolada