O‘zbekiston regbi federatsiyasida antidoping bo‘yicha seminar bo‘lib o‘tdi
O‘zbekiston Regbi federatsiyasi majlislar zalida Butunjahon antidoping agentligi (WADA) ko‘magida O‘zbekiston Milliy antidoping agentligi (O‘zNADA) tomonidan tashkil etilgan yillik antidoping seminari bo‘lib o‘tdi.
Tadbirda yosh sportchilar ishtirok etishdi. O‘zNADA mutaxassislari tomonidan antidoping qoidalari va tartib-qoidalari haqida xabardorlikni oshirishga qaratilgan ma’ruzalar va axborot sessiyalari o‘tkazildi. Ishtirokchilarga doping nazorati masalalari bo‘yicha ma’lumotnomalar va uslubiy tavsiyalar berildi.
Talim-uznada.uz interaktiv o‘quv platformasidan foydalanishga alohida e’tibor qaratilib, uning yordamida sportchilar tibbiy preparatlar tarkibida taqiqlangan moddalar mavjudligini mustaqil tekshirishlari mumkin. Agentlik vakillari barcha dori-darmonlarni qo‘llashdan oldin ularni dastlabki tekshirish muhimligini eslatib, beixtiyor buzilish ham og‘ir oqibatlarga olib kelishi mumkinligini ta’kidladi.
Ma’ruzalarni Terapevtik istisnolar bo‘limi bosh mutaxassisi Bexruz To‘rayev va axborot, ta’lim va targ‘ibot bo‘limi bosh mutaxassisi Layla Umedovalar qilishdi. Ular antidoping qoidalariga rioya qilish nafaqat xalqaro sport tashkilotlarining majburiy talabi, balki sportchining muvaffaqiyatli va uzoq muddatli faoliyati uchun asos ekanligini taʼkidladilar.
“Bunday o‘quv seminarlari O‘zbekistonda halol va toza sport madaniyatini shakllantirishda muhim ahamiyat kasb etadi,” – deydi O‘zbekistondagi GIR-koordinatori Yegor Lebed.
Seminar dopingga qarshi kurash bo‘yicha kompleks ta’lim dasturining muhim qismi bo‘lib, sportchilarda salomatlik va sport etikasiga mas’uliyatli munosabatni shakllantirish yo‘lidagi navbatdagi qadam bo‘ldi.