CASA Osiyo Regbi bilan strategik hamkorlikka sodiqligini tasdiqladi va Markaziy hamda Janubiy Osiyoda regbini rivojlantirishni qo‘llab-quvvatlashini bildirdi
Central and South Asia Rugby (CASA) Osiyo Regbi rahbariyatiga rasmiy murojaat yo‘llab, shaffoflik va konstruktiv hamkorlik tamoyillariga sodiqligini tasdiqladi. Hujjatda alyans faoliyati qit’a tashkilotining ustavlari, reglamentlari va strategik yo‘nalishlariga to‘liq muvofiq ravishda amalga oshirilishi ta’kidlangan.
CASA Markaziy va Janubiy Osiyo mamlakatlarida regbini rivojlantirishga qaratilgan mintaqaviy hamkorlik platformasi sifatida faoliyat yuritadi. Alyans boshqaruv organi hisoblanmaydi va parallel boshqaruv tuzilmalarini shakllantirmaydi, barcha dastur va tadbirlar Asia Rugby bilan muvofiqlashtirilgan holda amalga oshiriladi.
Alohida e’tibor yoshlar, ayollar va ommaviy regbini rivojlantirishga, shuningdek mintaqada musobaqa imkoniyatlarini kengaytirishga qaratilgan. O‘zbekiston regbi federatsiyasida bunday tashabbuslar xalqaro hamkorlikni mustahkamlash va mintaqada regbining barqaror rivojlanishiga xizmat qilishi ta’kidlandi.