Buxoroda regbi-7 bo’yicha ayollar jamoasi tashkil etildi
Buxoro shahrida Buxoro davlat universiteti sport klubi bazasida regbi-7 bo‘yicha ayollar jamoasi tashkil etildi. Jamoaning ishtirokchilari asosan Buxoro davlat pedagogika instituti jismoniy tarbiya fakultetining birinchi va ikkinchi kurs talabalaridan olindi. Yaratilgan jamoa sportchi qizlari basketbol, gandbol, kurash, yengil atletika, jiu-jitsu kabi boshqa sport turlari bo‘yicha sport tajribasiga ega.
Birinchi jamoa a’zolari: Gulbaxor Murodova, Xusnora Rabimova, Dilnura Ramazonova, Sevara Shuhratova, Gulshoda Usmonova, Sabrinabon Hamidova, Shaxzoda Jabborova, Uljanoy Abdurahimova, Madina Eshniyozova, O‘g‘iloy Farmonova, Feruza Qudratovalar bo’ldi.
Jamoa murabbiyi G‘olibjon Saidov – Buxoro davlat pedagogika instituti “Jismoniy tarbiya nazariyasi va metodikasi” kafedrasi o‘qituvchisi.
Jamoa Universiadada va talabalar sport uyushmasi qoshidagi «Talaba» ligasida ishtirok etishni rejalashtirgan.